Job 13

1 “Hihte khempeuh ka mitin ka mu khina ^a
ka bilin ka za khin a, ka thei khin hi.
2 No theihte ken zong ka thei hi.
No sangin ka niamzaw tuan kei hi.
3 Ahi hangin Vanglianpa tawh ka kiho nuam a, ^b
Pasian tawh ka thu ka kikum nuam hi. ^c
4 Bangbang ahi zongin zuauthu-in nong melhbawl uh hi; ^d
note navekun kimanna nei lo zato siamte na hi uh hi. ^e
5 Note na vekun dai tapeuh dih un! ^f
Mipil na tangzaw ding uh hi. ^g
6 Tu-in ka thugen za unla,
ka muka ka thumna ngai dih un.
7 Pasian tangin kam gilo pau ding na hi uh hiam?
Ama adingin zuauphuak ding na hi uh hiam? ^h
8 Amah angvan sawm na hi uh hiam?
Pasian tangin phutsak sawm na hi uh hiam?
9 Note hong sittel leh gina takpi ding na hi uh hiam? ⁱ
Mi na khem bangun amah khem thei ding na hi uh hiam?
10 A simthamin mi na deidan vial uh leh
hong tai taktak ding hi. ^j
11 Ama thupina in nang hong lausak lo ding ahi hiam? ^k
Amah kihtakna nang tungah hong tu lo ding hiam? ^l
12 Na thu tomlaknate uh, vut paunak hi a;
na kihutnate uh lah tungman kihutna ahi hi. ^m
13 “Na dai unla kei hong gensak dih un; ⁿ
tua ciangin a piang bangbang a piang hi mai hen. ^o
14 Bang hangin kei le kei a lauhuai munah kikoih in,
ka nuntakna ka khutah koih ka hi hiam? ^p
15 Amah’n kei hong thah leh zong amah ka lamen lai hi; ^q
a maitang ah ka ngaihsutna ka puak taktak ^{▼▼13.15 Ahikeh Amah in kei hong that taktak ding hi; lametna ka nei nawn kei a - hi ta leh ka hih ding} ding hi. ^s
16 Ama mai-ah pasian nei lote pai ngam lo uh ahi manin ^t
hih in kei kihutna hong lehsuah ding hi.
17 Ka kammalte limtakin ngai dih un;
ka gente na bil uh na dawh dih un.
18 Tu-in ka thu sung dingin ka kithawi zo hi; ^u
ka thu ka zawh ding ka thei hi.
19 Mi khatpeuh kei langah pang thei ding ahi hiam? ^v
A tuacih theih leh pau loin ka si ding hi. ^w
20 “Pasian aw, hih thunih bek hong pia in,
tua ciangin nang kong buksan kei ding hi:
21 Kei tung pan gamlapi ah na khut dokkik inla, ^x
na lauhuainate-in hong linthawn nawn kei in. ^y
22 Tua ciangin hong hopih in, kong dawng ding hi; ^z
Ahikeh ken hong hopih ning in nang hong dawng in. ^aa
23 Mawhna le khialhna bangzah bawl khin ka hi hiam? ^ab
Ka mawhna le ka thupalsatnate hong lak in. ^ac
24 Bang hangin na mai selin na gal banga
hong ngaihsun na hi hiam? ^ad
25 Huih mutsa singteh khat gawt ding na hi hiam? ^ae
Anvai keu khat nungdelh ding na hi hiam? ^af
26 Ahang in, kei langdona a hoih lo tampi na gelh khin a,
ka neu lai-a ka mawhnate nong luahsak hi. ^ag
27 Ka khete sikkolpi in na hen hi; ^ah
ka khekhap na ciaptehna tawh ^ai
ka paina khempeuh ah naitakin nong encik hi.
28 Tua hi-a amuat na khat le
nget nek puan bangin mi khat a beibei hi. ^aj